الشاعرة منــــــى البابوري
تونس
انا قلبي
انا قلبي سحابة مطر
وين نمشي نترك أثر
بكلي خير برغم الشر
الي في قلوب البشر
انا قلبي
انا قلبي كتلة محبة
نسقي الحب للي نحبه
و حتى الي يكرهني نوده
و عمره ما يشوف مني شر
انا قلبي
انا قلبي نور على نور
ديما يجنح فوق السور
فرحان ولا مكسووور
ما ينسى احباب العمر
انا قلبي
انا قلبي صافي حليب
نحب البعيد و القريب
و الي يكرهني يظل غريب
و ما يلقى في قلبي مقر
انا قلبي
انا قلبي عزيز و غالي
ديما مكانه في العلالي
في السماء كالنجم يلالي
في ضحكتو يشبه القمر
