السيدة قاتر رشيد موجيلالي
واش يصبر نار قلبي وحشايا
واش يصبر صابني سهموا ومشات
هاد الموت غرني راني بكايا
هاد الموت الي فحعني فالصدات
وينه بويا كان حسه حدايا
وين ميمتي وين راحت تخبات
ودموعي عنهم صارت جرايا
وقليبي مفجوع منهم بلفجعات
نحلف هاد الدنيا خليلها غير شفايا
ونحلف هاد الموت يزورنا دات بدات
مشمولين احنا ودوك العزايا
مايبقى في خبارنا غير حكايات
بالسبة وبغيرها بقيت نتايا
وبالسبة وبغيرها ماتوا اولوفات
وتفكر..الزاد كان نتا غايا
او فرحان في عيشتك متهني لحياة
يوم صدة ماسهل ليك انتايا
يوم الصدة.مانجى منه هيهات
واذا ذكرك فالناس كان مرايا…
ويذكروا لفعال وجميل الخصلات
بعد الموت ينساك ولادك ياخويا
وبعد الموت تروح مافيها رجعات
هاجت نار الوحش وقديت انايا
وتفكرت اميمتي هي بالدات
وتفكرت حنانها ليا انايا
وتفكرت شعال تدعيلي فصلاة
بنتي سهل يا ربي مولايا
عيشتها تسعد هي فالحياة
واتسهل امورها بنتي انايا
وتغنيها بالخير وتزيد الرفعات
هدا دعوتها ديما صلايا
ياسعدي بميمتي كانت فالحياة
عيشة اسمك.راد ربي مولايا
باش تعيشي سنين محسوبة ووفات
و القدر صابني عجل محدايا
واخوني ماضل عندي وين نبات
كنت نلز حداك..في عز بكايا
تمسحي دمعات تحرق وتعدات
وتحكيلي فالدهر كدا محكايا
وتسيني فالهم وجميع الغلبات
وتعزيني فالحظ تبكيه معايا
وتقولي غدوة يرجعلك بالذات
انسي همك.انت شبيهتي انايا
والمر اللي صابنا عدى على الحوجات
واش يصبر نار قلبي وحشايا
كنتفكر فراقها بسهم الموت مشات
ونترحم عليك وبويا فالدنيا..
رحمة ربي كافية باب الجنات
الجمعة16 اوت 2025