إحترس
من التعامل مع الشخص الأناني وبالمصطلح العلمي النرجسي
مابيشوفش غير نفسه وبعده الطوفان
مهما قدمتلة واديته مش كفايه
أكبر ناكر للجميل ولو شاف في نفسه عيب هايشاور عليك ويقول العيب ده فيك
ولو اشتكيت أو حاولت تعبر عن مشاعرك هايطلعك محتاج علاج نفسي وهو العاقل الراسي،
ولو كسب موقف أو مسك عليك غلطة أو ذلة لسان هايفضل ماسكها عليك وهايفضل يفكرك بيها طول الوقت،،
هايشتكيك لطوب الارض ويطلع نفسه مظلوم وغلبان ياحرام ،
ولو انت اللي مسكت عليه غلطة هايكدب ويتهرب وهايقول عليك بتكبر المواضيع،،
ولو عرف نقطة ضعفك هايستغلها ضدك ، ولو شافك قوي
هاينتقدك لغاية ما تفقد ثقتك بنفس وقدراتك
وهايزعل اوي لو شاف الناس بتحبك هايبعدك عنهم ويفهمك انك مالكش غيره في الدنيا وأنهم مش بيحبوك وبالعكس بيستغلوك ،
ولو بقيت لوحدك هايعيرك انك مالكش اصحاب ولا حد طايقك……
النرجسي
بيحب الاهتمام من الغرب وشكلة وسمعته اهم حاجه عنده وبيتقمص شخصية الجنتل مان بره البيت ويحب الناس تتكلم عن اد ايه هو انسان جميل ،
لكن اللي بيقرب منه ويعاشره بيفهمه لكن بعد فوات الأوان ،
استاذ ومحترف في الانتقادات
وشايف أنه دايما علي حق وعمره ما شاف نفسه غلطان ،
الشخصية دي البعد عنها أكبر مكسب
صدقني
ابعد وانقذ نفسك .
#فضفضة
دكتورة لبني يونس