أنا والليل والقمرة معاه سهره
مع النجمات والزهرة كذاوسهيل
نحاكي الليل وعلومه على النبره
ونطوي السالفه نفتح علوم الليل
لانه هو ابو الاسرار و له نظره
عميقه ما يخون اهله ولو بالميل
يخبيهم بغيم و سحب لا جهرة
و يحميهم يغطيهم بستره حيل
يعايش به غريم الحب أو قهره
و من به علة او كربه و فيه الويل
يداريهم و يصويهم بلا سفرة
و يتحمل شكاويهم و كل الغيل
و لا يطرح و لا يفضح لحد أمره
ولكن يستره بالعيب دون النيل
يسامر للذي يقصده في بحره
وشب الحمرأوضوه ساق الخيل
يعيش معاه بالحلوه كذا المره
يحاكبهم وينبيهم بغير الميل
مع السمرة وفل وزهر له عطره
الى وقت الفجراقبل بقل الحيل
تفرق جمعهم أدبر الى النفره
و كل غادر وروح و فاح الهيل
قام الفجر اعلن بالدخول جهره
وصاح الديك بالأذان باح دليل
القلب الطري
رقيا عبد العزيز العاكش