ماهو بكيفك والله يانور عيني
ماهو بكيفك تنسى حبي وحنيني
ان كان قصدك تشككني بكلامي
خليك وحدك ما تثير اهتمامي
سرقت قلبي رده لي يا حرامي
ما دام صاروا الناس بينك وبيني
ماهو بكيفك تطفي شمعة شبابي
وتحكي عليا في حضوري وغيابي
خليك غامض خلي طبعك ضبابي
حرام تخلص معك اجمل سنيني
ماهو بكيفك وانتا تعرف حياتي
لي كبريائي وعزتي وذكرياتي
احذر اذا اغضب تراني صفاتي
واثقه بنفسي وامشي عالي جبيني
افهم ظروفي وصون حبي وهوايه
وكون انتا بادي في سروري وهنايه
مابيك تكذب كون صادق معايه
ماهو بكيفك والله يانور عيني
الروح مني والله مدري شبلاها
تمشي ورا الي كان يمشي وراها
مرات تقول اهواك ومرات بلاها
حيرتني ما بين شكي ويقيني
الشاعرة وصال الصقار