روت لي امي قصة حدثت في التسعينات من القرن الماضي
كان لهم جيران زوج وزوجة يعيشون في قمة من البساطة و السعادة .
وكما يقولون بالعامية كده ماحدش بيسمع لهم حس غير صوت ضحكتهم وهزارهم سوا …
الزوج يدعي (علي) يعود من العمل محمل بكل ما يحتاج إليه المنزل من احتياجات يومية ،
ـ والزوجة( نورا ) موظفة في مكان آخر وتعود من عملها في نفس التوقيت تقريبا ،
و في بعض الاحيان يمر عليها الزوج في مكان عملها ويصطحبها ليعودوا سويا من العمل .
هو شخص ،،،،،،
يشهد له الجيران بحسن الخلق، بسيط في التعامل مع الناس ، شهم وابن اصول محترم لكن في غضبة كان صوته يرتفع احيانا وسرعان ما يهدأ ،
كان الجيران والأصدقاء والمحيطين بهم تراه زوج حنون كريم يساعد زوجتة ومن أكثر الزيجات المناسبة لبعضهم البعض …
هو كا اي زوج متعاون يقوم بمعاونة نورا في أمور المنزل مثل ( نشر الملابس ، احيانا تنظيف الشرفات ويهتم بالحديقة الخاصة بالمنزل مع باقي الجيران )
يذهب للتسوق لشراء ما يحتاج اليه المنزل من طلبات فهو زوج غيور علي نورا ولا يتركهاتذهب للتسوق بمفردها ….
ـ هي امرأة جميلة وغير متكلفة بسيطة هادئة الطباع متدينة من بيت اصيل ،
تقوم هي برعاية الابنة وأعمال المنزل من طهي وتنظيف وترتيب الخ …
متعاونين علي أمور الحياة متفاهمين الي حد كبير ،
لديهم ابنة جميلة في المرحلة الابتدائية هي( مي) ،
حياة هادئة لا يوجد بها صخب ولا مشاكل سوا الأمور العادية والبسيطه التي قد تحدث في أي بيت،
في يوم العطلة الأسبوعية و كالمعتاد الزوج ( علي ) يستيقظ من النوم ويذهب للاستحمام ثم يتناول طعام الافطار ويذهب لتأدية صلاة الجمعه…
كعادته في هذا اليوم من الاسبوع،
استيقظت نورا من النوم مبكرا عنه كالعادة .
و قامت بترتيب وتنظيف المنزل ثم اعداد طعام الافطار و ايقظت ابنتهم لتناول معهم طعام الافطار ،
نورا …. تنادي علي تعالي لنتناول الافطار ،
حبيبي … الفطار جاهز تعالي ،
حبيبي … الاكل هايبرد وانت مش بتحب الاكل بارد ،
جلس علي علي المائدة …. اين الليمون يامدام ؟ عشان اعصره علي الفول انتي عارفه اني بحب الليمون امامي علي الفطار ….
هي … اهه معلش نسيت اقطعها بالسكينه ،
هو…. قومي هاتي سكينة ،
هي…. قوم انت مش قادرة ،
هو…. بقولك هاتي السكينه أو قومي انتي اقطعيها وهاتيها
الام للبنت هاتي لبابا سكينة يا مي من المطبخ ،
هو….. قولتلك انتي هاتيها وماحدش هايجيبها غيرك هو انا كلامي ما بيسمعش في البيت ده ،
هي … هاتها انت ،
هو …. بقولك هاتي السكينة والا مش هاكل ،
هي ……هو عند وخلاص ،
هو……. اه عند وكبرت في دماغي بقا
هي …. طب انت حر براحتك ،
هو…..يعني مش فارق معاكي ،
هي …. لاء وبراحتك ،
هو … طيب انا هاسيبلك البيت وامشي ،
هي …. للدرجة دي هو انت بتتلكك
هو…. اه انا بتلكك ، وانتي مش مهتمه بيا ولا بالشئ اللي بحبه ،
هي …. باستغراب شديد وتعجب … انا !!!!
قام علي من علي السفرة غاضبا جدا
ملقي بالكرسي علي الارض ،
هي …. أصابها حالة من الصمت،، ونظرات للطعام ودموع بدأت تحبس في عينيها وتقوم بتقطع الخبز قطع صغيرة أمامها من غير ما تتناول منه شئ ،،،،
وبتسأل نفسها هو بيعمل كده ليه ؟ انا قصرت معاه في ايه ؟ وهو ليه كبر الموضوع اوي كده ؟.
هو…. دخل غرفته لارتداء ملابسه وقام بجمع كل ملتزماته وكل ما يخصه حتي ماكينة الحلاقة ،فرشاة الاسنان ، مزيل العرق و حتي فرشاة الشعر داخل شنطة سفر كبيرة ،
وهذه هي اول مرة يفعل فيها ذلك منذ زواجهم الذي مر عليه أكثر من عشر سنوات ،
هي…. تسأله بغضب ودموع سجينه داخل عينيها ، هو ايه اللي حصل لكل ده ؟
هو ….انا مش فارق معاكي ومش مهتمه بيا ولا بالحاجات اللي بحبها ،
هي ….عشان نسيت اقطع لمونه ،
هو….عشان حاجات كتير يا هانم،
هي … طيب قولي ايه هي الحاجات الكتير دي و قصرت معاك في ايه ؟
هو ….عمرك ما هاتتغيري ولا عمرك هاتفهميني جوازنا كان غلط من الاول ،
وامشي بقا من وشي دلوقت وابعدي عني لحد ما الم هدومي واغور من وشك ومن البيت ده ،
هي…. بعصبية شديدة لاء لازم اعرف في ايه !!؟؟؟
قولتلك غوري من وشي مش طايق اشوفك ولا عايز اسمع صوتك ،،،،
هي …. انسحبت في ذهول مين ده
و معقول ده زوجي وحبيبي وعشرة السنين ،،،،،
ده (علي) حبيبي اللي من ساعات قليلة كنت اختبئ في حضنة واللي تزوجنا عن قصة حب يشهد لها الجميع وبدون مشاكل او عوائق بالعكس طول عمرنا متفاهمين من نظرة عين يفهمني وافهمه ،
_ هو يحمل الشنطة و يتجه نحو باب الشقة ،
_ هي من أجل منعه من النزول بكت بحرقه ومش متخيلة ما يحدث وإذا به ينظر اليها بقسوة لم تعتاد علي هذه النظرات منه ،،
اتجهت نحوه تعتذر وتتاسف وتحتضنه لعل قلبه يلين و يهداء،
تتوسل له بدموع وصوت مكسور ،
لو اخطأت في شئ سامحني انا اسفة بس ما تنزلش من البيت وانت غضبان كده مني ….
اقتربت أكثر كي تقبل جبينه ….
وإذا به يلطمها علي وجهها و يدفعها عنه بقوة …
ونهرها بيده في صدرها فسقطت علي الارض …
الي لهذا الحد وشعرت بالإهانة والذل والضعف،،
هي….. الأمور عندك وصلت لهذا الحد
اذااااا طلقني ،
وإذا به يقول لها بصوت يحمل كل نبرات القوووة و القسوة انتي طاااااالق
ايه !!!!؟
بتقول ايه !!!؟
أيوة زي ما سمعتي كده انتي طالق ومالكيش عيش معايا تاني وابعدي عني وياريت تنسيني وتخرجيني من حياتك نهائي ….
يخرج ويغلق الباب خلفة بعنف شديد حتي كاد ينخلع …
لا،،، أنه قلبها هو من كاد ينخلع عنها ويذهب معه ..
انهيار ودموع وتنظر الي الطعام وتتسأل من اجل ماذا حدث كل ما حدث ؟ ماذا فعلت ؟
وكأنها تمر بكابوس
لا .. أنه للاسف حقيقة
وظلت ساعات تبكي وتحتضن ابنتها
التي كانت تختبئ في غرفتها ترتعد من الخوف تبكي بشدة فهي لم تري ابيها في مثل هذه الحالة ولا هذا الموقف من قبل .
من هذا الرجل أنه بالتأكيد ليس ابي أنه رجل لا نعرفه … !!؟؟؟
خرجت مي من غرفتها علي صوت غلق الباب وبكاء وانهيار الام ،،،
(مي ) الابنه معلش يا ماما
يتبع
الجزء الأول من هجر الليمون
دكتورة لبني يونس