✍️ أ. رقيا العاكش
يا عاذلي كافي لا تعيب
العيب فيك ما هو فيني
كل يوم تروي لي و تجيب
روايتك تفتريني
تنقص لقدري بتعجيب
و أنا الكمال هو ثميني
و الكامل الله هو ربي
لكن قولك يهيني
عجائبك جد هي تريب
لأنك بقولك تجيني
تهوي بي للهاوية تخيب
تبغاني اسقط بعيني
انقص و أنت بها تثيب
وانا بقولك دويني
لا والله ما اسمح لك تعيب
بأي حق تبتليني
مكتوب القاك تحسيب
و أحط بايدك تهيني
لكن بعيده بك الريب
عمري يفيني و سنيني
كيف انت كيف انت لي تصيب
من هو الذي هو دويني
انت و أنا نخطي ونصيب
اللي هو فيك قلته فيني
أما اني اسمع لك اسيب
تشكيكك اللي مشيني
لا والله ما اسمح بتخريب
بأخلاقي أو هو بديني
اسكت عليك دون تعقيب
و انت بعينك تريني
قولك و فعلك و تأنيب
يجي يطيح ضميني
يا الله ابتعد عني قم غيب
لا عاد اشوفك بعيني
لا عاد ترجع لي و تطيب
خلاص ما لك بعد خص فيني
القلب الطري
