بقلم الشاعره ?️
سلمى النجار
غزال المدينه
المدينه المنوره

يمه
يمه
قبل النور يجرح
الليلة غزالٌ حيل مجروحة حزينة

يمه
يمه
قبل النور يجرح 
ولون الشمس يغير
وحتى سماء الكون
ظلامها دامس ..
قبل النور يجرح
والفجر يطلع
والنجوم تترنم مواويل والحان ..
كيف شروق الشمس يضحك ؟
ونور الكون غائب ؟

يمه ..
يمه ..
من غيبتك عيون الغيم
صارت تهل دموع ..
حتى نور القمر يمه
راح في ذا الكون مختفي يغني الحان حزينة ..

يمه..
من بعدك  ما نسيت عصافيرك !
يمه …
غنيت لك مواويل
يصرخ كل من سمعها ….
تبّكي منها القلوب ..
حتى أغصان الشجر والغيم تلحنها وتهتز ترانيم وأشجان

يمه ..
يمه ..
عيون الغيم من فرقاك
تغني مواويل ..
وقطرات المطر تهل دموع
مع ريح المطر
تهز أغصان الشجر وقت السحر .

يمه ..
يمه ..
قبل النور يجرح ..
وقبل نجوم الليل تنادي
بحكي لك شئ عن أحزاني

يمه …
من غيبتك مكنوني يفضح.
اختار لحون وأعزف حروف شعر
يطرب لها اللكون ويسرح

يمه..
يمه..
من بعد غيبتك غاب الفرح
حتى نبع المي صار يحكي لحون غضب
تجري في جداوله

يمه ..
من بعدك ما نسيت عصافيرك !

يمه ..
بعد غيبتك كل شئ حزين
حتى الدار تبّكي
هناك جلستك جنب الشباك
وهنا مكان سجاتك ما تغير
وهذي سبحتك على المصحف
مشتاقين لمسة يدينك

يمه ..
مشتاقة أشم ريحة يدك
وأقبلها وأقبل رجولك
مشتاقة أضمك
والله ما شبعت منك!
ليتني بس تحت رجولك
طول عمري أخدمك ..
أرسم خيالك وأتخيلك جالسة على السجاد تصلين وتدعي لي !

يمه ..
أتخيل زولك في كل مكان بالدار !
وجدران البيت تئن لحون مشتاقة لحسك !

يمه ..
أسمع صدى صوتك ينادي من بعيد !
أسمعك في كل مكان
وأسمع ضحاتك

يمه ..
يمه..
من بعدك ما نسيت عصافيرك !
الدار يمه تبّكي من غيبتك
أسمع أنين الدار والجدران
وغرفتك تحكي .
تقول وين اللي كانت مع النسمة تهل ؟
وين شمس الدار ؟

يمه ..
عصافيرك وورداتك حزينة !
حتى الشبابيك اللي كِنتِ تناظرين منها
صار لها صرير
تصيح وتسأل وين الل كانت تفتح الشباك ؟

يمه ..
حتى عصافير الحي تنتظر جيتك على الشباك !
وتسأل وين صاحبة الدار ؟
وين غابت اللي كانت تحط الحّبْ ؟
وتحط المي على الشباك ؟

يمه
من بعدك  ما نسيت عصافيرك !

يمه ….
غبتٍ وغاب الفرح من دنيتي !

يمه ….
الليلة غزالٌ حيل مجروحة حزينة
ما لها حدا  في المدينة! ??
……………………………. ??