محمد باجعفر/صحيفة صدى نيوز إس

الشاعر/ ممدوح بن جراح العنزي

يابنت عمري صار فوق الأربعين

وعمرك اقل من نصف عمري شوية

لو تفتشين الراس يابنت هالحين

فيني خمس شيبات بانن علية

حتى هجوسي بالغزل صار مسكين

مثل المحامي يوم يخسر قضية

مافكّ له غايب و لا سر مغلين

عقب التعب مانام ليلة هنية

قلبي انا يا بنت شغل القديمين

دقة قديمة حيل ختم وهوية

ماني انا من اهل عيد الvفلنتين

ولاني من اللي فيه يرسل هدية

الحب في ذا الوقت يبغى تمارين

يعني على ماقيل نبرة قوية

ماهو مثل ماكان نظرة بسيطين

وخطٍ ن على القرطاس ينقل تحية

يابنت عمرك تحت نصف الأربعين

وجهك يزيح البدر عند المسية

وش لك على قلبٍ ن فقد ناس غالين

مشاعره يابنت رااااحت ضحية

 

 

✍???