صدى نيوز
الشاعر
عبدالله صبيح الشراري
من شمال المملكه نعطي اشاره
ياحكومتنا ترانا جاهزين
من بلاد الجوف من دار الحضاره
نرفع الرايه لكم يالحاكمين
راية التوحيد ومن هذا شعاره
ينصره ربي مدام الشرع دين
دارنا دار الرساله والطهاره
منبع الاسلام والدين الحصين
دارنا نفخر بها سر وجهاره
مايزعزع أمنها المتمردين
نحمي حدود الوطن عن كل غاره
ودمّنا وارواحنا له مرخصين
من نوانا بشر يلقانا شراره
ومن نوانا بخير يلقى طيبين
من يشب النار نوقد منه ناره
نحرقه ونرد كيد الكايدين
نجرعه طعم الهزايم والمراره
الوطن غالي وحنا مفتدين
كلنا جنود الوطن نلزم خفاره
عن حمى ارض الوطن متكاتفين
ماتزعزعنا اسامي مستعاره
دامهم بجحورهم متقنعين
من يبينا يظهر ويرفع استاره
كان عنده شك نعطيه اليقين
ياملكنا ضحكتك مثل البشاره
لا ضحك سنك ترانا آمنين
ياملكنا عطنا امرك واختصاره
يالملك سلمان حنا والمين
الشمالي ينتظر منك الاشاره
تحت امرك ياملكنا طايعين
كل اهالي الجوف شفهم بالصداره
محزمك ياسيدي ومتلهفين
حنا درعك وموتنا ماهو خساره
ولاحضرنا بالملاقا فايزين
يشهد التاريخ جله وانتشاره
ان بني مكلب لهم ارثٍ ثمين
والكرم والجود نمشي في مساره
لين صرنا بالكرم متميزين
ومن عطى بيمناه ماتذخر يساره
اشهد انه وافي وفعله رزين
والوطن غالي ونفخر بانتصاره
مير طبو الارض يامتوهمين
والوعد قدام وربعي بانتظاره
ياحكومتنا ترانا جاهزين
الشاعر
عبدالله صبيح الشراري
سلمي
