كلنا بندور و بنجري و نسعي عشان نوصل للسعادة من وجهة نظرنا و مانعرفش انها ممكن تكون موجودة اصلاً معانا و بين إيدينا و مش شايفنها، ولا حاسين بيها ،

لو ركزنا شوية هانلاقيها ،

أغلب الناس اللي بتدور علي الفلوس عشان تشتري بيها كل حاجة نفسهم فيها و يحققوا ذاتهم، والناس تحترمهم اكتر و يكون في النهاية بني ادم سعيد ،،

للأسف في ناس كتير مننا لما بتحقق كل اللي فات دا بتلاقي نفسها برضو مش مبسوطه خالص في حياتها ،

ومش سعيده لأنها افتكرت ان دا اللي هايحققلهم سعادتهم ،

ونسيوا خالص ان السعادة ممكن تكون في تفاصيل بسيطة موجودة اصلاً معانا و بنعشها كل يوم و مش واخدين بالنا منها ، سعادة في الصحة ، سعادة في الاهل ، في الصحاب والحبايب ، في ستر الله ، في النجاح ، في الدين ،

سعادتنا كلها في الرضي واحساسنا بالنعم اللي اتعودنت عنينا وقلبنا علي رؤيتها و علي وجودها في حياتنا ،

السعادة في القناعة، ولا اقصد القنوع

جميل الطموح والاجمل انك تشعر بالنعم اللي ربنا وهبنا اياها

دكتورة لبني يونس