النشاااااماااا

:

إن جيت بين النشامااا جيت عضد و سند

ياحي بعض الوجيه وحي ماعونها

 

الكل منهم يساوي في خفوقي بلد

طيب المعادن لها بالناس مكنونها

 

إغميص رجل المواقف ماتغير أبد

ومع الصحافة سحابة خير بمزونها

 

واثني ل خالد عمر مرعي لامنه وعد

مايخلف الوعد بالهقوات ويخونها

 

إذا نصيته لقيته بالوفاء مستعد

حتى لو إن الظروف إتمون بديونها!

 

رئيس صحيفة صدى لاقال صوته رعد

عبر الصحيفة ومغزاها ومضمونها

 

نبراس صدق الحدث وإعلامها منفرد

بالحكمة وروعة الاخلاق واشطونها

 

واقلام كتابها يشهد لهم من شهد

عالي ثمرها لامالت حيل بغصونها

 

وانا ليااا من رقيت ارقى سنود الفهد

مع عالي المجتمع ونعيش بحصونها

:

جبران زويد العتيبي