الطيب يحتاج يمنى الوابل الصيّب
اللي يمينه على المدّه مضرّيها
ما يمتع الشاعر الا مدحة الطيّب
فيه القصايد تبتخر في قوافيها
وانا طرالي كريمٍ وافي امهيّب
نايف ونايف ليا وقّف يكفيها
لا قلت منهو يقولو نايف المسيّب
ابو خلف والاسامي من مسميها
يابو خلف من ظروف الوقت متهيّب
جيت الليالي عريس وقمت اواسيها
لبست بشت الوجاه وجيت متطّيب
ورجعت منها وزري البشت بيديها
والحظ ماهو بعيد ولاهو قريّب
ابعد من الجدي واقرب من لياليها
رافقتها ورع حتى عارضي شيّب
وانا اتحمل بها الطعنه واعديها
مادام فيها نصيب العبد متغيّب
مؤمن والارزاق مكتوبه لراعيها
عبدالعزيز بن سحل
