كبرنا خلاص وفهمنا

كنا فاكرين أن السعادة اجمل شعور في الدنيا لكن كبرنا وفهمنا أن الرضا احلي بكتير،،،،،

وكنا فاكرين أن اللي يضحي بطل لكن فهمنا أن الحياة هات وخد ومش دايما اللي بيضحي بيتقدر ،،،،،

واحنا صغيرين كنا بنعجب اوي بالناس اللي شكلها حلو

لكن لما كبرنا بقينا بنحب الناس اللي من جواها حلو وان الطبع اهم من الشكل وأن الجمال مقاييسه بتختلف في عيوننا لما الطبع بيكون صعب،،،

وكنا فاكرين أن الأصحاب هما اللي بيكونوا معانا وقت الفرح لكن بعد كدة فهمنا أن الأصحاب هما اللي بيبانوا في وقت الشده ،،،،

وكنا فاكرين أن الخصام بعديه عتاب وصلح لكن اكتشفنا ان الخصام الكتير والبعد بيعلم الجفا وبيقتل المشاعر،،،،،،

وعلمونا أن الراجل بكلمته لكن

لما كبرنا فهمنا أن الأفعال اهم بكتير من الكلام،،،،،

وفهمونا أن الست مكسورة الجناح و أمانها الوحيد راجل ومالهاش غير بيتها لكن بعد كدة عرفنا أن الست ليها رب كريم وصاها علي نفسها وصحتها وأسرتها وبيتها

وفهمونا أن السفر والعيشة بره الوطن حرية لكن عرفنا أن الغربة صعبة جدا وقاسيه وان الوطن امان

ونبهونا أن الشهادة العليا والتعليم هما الحماية وانها ضمان لعيشة مريحة هنية

ولقينا ناس غنت اغنية كسرت الدنيا واغتنت عرفنا أن الرزق نصيب

وحفظونا أن اللي يخاف يسلم واكتشفنا لما كبرنا أن الخوف كان أكبر عائق في طريق نجاحنا

كبرنا خلاص وفهمنا

دكتورة لبني يونس