صدى نيوز إس 2
الشــــاعر محمد قهيـــــري
رمز الهمــة والشنى من نسب اكبــــــار
والميعاد اللــــــي احْضَرْ لو يِِبشر بيــه
نعت رْبيــــع اوصايفـو يبهــر بخضـــار
واللي كانـــت يابْــــــــسة تَتْحَايَا فيــه
والطير اللــــــي غاب كي جـاه الفورار
عـــاد ايغرَّد في الفيــــافي وش اعليه
والشجرة في ثوبـــــــها يابس يصفار
بعدن حزنـــــت ب الشتا فيه اتخليه
ولـــى نعت الغيث يِبري من لضــــرار
منُّو البر اخضـــــار و القاب ايرويــــه
تزهى بيـــــه الزاحفة واللي طَيَّـــــــار
غيث الرحمــــــة ذاك مولاه امسَجِّيـه
بابايا معـــــروف عند الناس اخيـــــار
معدن صافي كي ذْهـــب عْلى غانيــــه
توت امرَڨــَّم جـــاي من فوڨــــو يَنوار
واللـــي شافو ما ايوَلــِّـي نوم ايجيـــه
ما يبخـــس في سومتــو عند التُجَّـــار
هذ ابــي بسلامتـــو وصفــي عانيـــــه
درتو درعي في اشدايــــــــد كي تعسار
كي ينده لـــي ياك في لْحين انداريـــه
نستبشــر بشنايتــــــــــو في كل اقطار
نتعَلَّـــــــى بسماه ديمـــا نجهــــر بيــه
برنوســـــــــي نلقاه في البرد الصرصار
يا سعد اللي لابْــــسو موش امعَرِّيـــــه
بابايـــــــا بِضياه ضـــــــــوَّى قاغ الدار
نِسعد ياك ابشوفتــــــو نهنى لمجيــــه
بابايـــــا بِضياه كــــي نجمة لفجــــــار
يعجبنــــــي مبهاه للخاطــــــر تنزيـــــه
بابايــــــا في حضرتــــــو لاما نحتــــار
ونحس بْالامــــــان ك نعود مْساميـــه
يا حســـــــراه ايامنا فالعمر اصغــــــار
يا حسرة من كنـــــــت صغري والع بيه
علمنـــي لصـــــــلاة وكْذا من لذكـــــار
والقــــول المحكـــــوم منُّو نعمل بيـــه
جاهد عنا مـــــا اصعُب غَطَّى لوعــــــار
لي صُعبت في حَضَرْتُـــو تسهال عليه
هــوا زهـــوي ودوى ليـــــــا عقــــــــــار
كي نفلح في طاعْتـــــــو زرعي نِدّيــــه
في مرضــــــي نلقاه دايم في تحيـــــار
وبجنبــــــــو نرتاح ذاك اللي نشتيـــــــه
حينن يغضب حالتـــــــــــــي تقلب غَبار
حينن يضحــــــك خاطري يتولــــع بيه
بابايــــــــا بَدعاه عمــــــري لا نحتــــــار
والجنـــــــة في شوفتو نلقــــاها فيــــه
اللحيــــــة بالشيب ياك اتڨـــــــول انهار
رب يبــــــــارك طابعاتـــو زادت فيــــه
بابايـــــــا في هِمْتُـــــــو صاطع بنــــوار
متأهب ديمـــــــا الناس اتباشـــــر بيـــه
نحمد ربي كــــــي اجعلني ليه اجـــــوار
من ظهرو ولَّــــى اسمايا من أصليــــــــه
ربــــــي سيــــــدي خالقي نعم الدبـــــار
بابايــــا في رحمتــــك بذنك تحضيــــه
تجعل يا ربــــــــــــي الجنة ليه اوكــــار
تحسن لو في الخاتمـــــــة ذاللي نرضيه
كيمَ ارحمنـــــــــــــــي ترحمو يوم القرار
يا رحيم اجزيـــــه من الكوثر ترويـــــــه
محمد هـُـــــــــــــــــوَا امنظم ذي لشعار
ولد الجلفة نايــــــــــــــلي شايع بسميه
قهراوي وعبيــــــــــــــــدلي محلاه بجار
في برو معـــــــــــــــروف ب هلو وماليه
نختم هذ القــــــــــــــول بصلاة المختار
نبي العدنـــــــــــــــــــــان صلى الله عليه
محمد بوفاطمــــــــــــــــــــة شارق لنوار
للأمة مبعــــــــــــــوث كامل شهدت بيه
صدى نيوز اس 1
){kind=link}
