صدى نيوز إس 2
الشاعر رشيد بومعزة
متأصل ونموت عن وطني نحميه
واجدودي لبطال ماتو بسبابو
متربي صنديد والحق انوريه
واعدويا محال فالحرب انهابو
راضع لبن الوالدة متقوي بيه
راجل بالكلمة صادق لحبابو
من طبعي حساس والصاحب نفديه
بالموقف معروف يصعب تقلابو
حبو كابر في جواجيا نرضيه
ونفتت لحمي ضحية لترابو
عشق الموت على حدودو نا نبغيه
من عظمي نصنع السهم ونشابو
وبلادي بالخير من جاها تعطيه
بالكرم والجود للضيف اطيابو
الصحراء ورمالها والتل الهيه
.قبايل وعروش في حبو ذابو
يدي ويدك للوطن نوقف نحضيه
ما نرضى عديان وطني يغتابو
ارحم يا ربي اللي ضحاو عليه
بالروح وبالدم زكاو اترابو
ماتو شهداء وما سمحوشي فيه
في ليل الغضبات زدمو ما خابو
واضوات الشمعات باش نعيشو ليه
تاريخ الشجعان قادي مشهابو
ذ وطني وعلاش ناسو لعبو بيه
والخاين أكيد ياتيه حسابو
.
صدى نيوز اس 1
