دكتورة لبني يونس

كلمات تقال بمنتهي السهولة من ناس حوالينا أو من أقارب وأصدقاء
ياريت الموضوع بالبساطة دي
الماضي فيه اتولدت وفيه امي وابويا ولمة أهلي وناس غالية عليا بفتقد وجودهم في حياتي ..

في حبايب فارقتنا غصب عنهم وتركت آثار وذكريات صعب نمحيها أو نتخلص منها لأنها جزء مننا من شخصيتنا وتكوينا …
وناس فارقتنا بمزاجها ورغبة منها وكانت درس مؤلم صعب ننساه، اتعلمنا منه ازاي يكون الجرح وتخطي الألم لكن مش ممكن ننسي الوجع اللي تركته بداخلنا
…
الماضي هو احنا …
هو أحلام أتحقق بعضها واخري مؤجله لحين يشاء الله …
تاريخ عشناه بحلاوته و مرارته
حصيلة تجارب جميلة وتجارب قاسية
الماضي هو احنا بكل الجمال والكراكيب اللي اتكونت جوانا …
نعيش الحاضر ونتعايش معه ..
ونحلم بمستقبل اجمل تتحقق فيه أمانينا وتتحقق فيه باقي أحلامنا
لكن
امبارح كمان كان بتاعنا وعشنا فيها ذكرياتنا واحلي أيامنا كفاية أنه كان فيه احلي ناس …صحيح بعدت عن عيونا لكن مازالت جوة قلوبنا …
اوعوا تنسوا الماضي
فهو إما أيام حلوة او ذكري جميله أو درس وخبرة اتعلمنا منها …..
مش كل جديد جيد
ومش كل الماضي سئ