جف الغرام وقلت ياالله عسى خير
مال القلوب الهايمه حبها غاب
عسى السبب يارب خير مهو غير
وعساها ترجع تنتشي دونما عتاب
عساها تهطل مثلما المزن بمطير
تروي جفاف القلب تروي للاحباب
مابالها اتحراها في صبح و عصير
واتفقد الحزات ابحث عن اسباب
لكن هو عندي الامل حاضر ذير
وقلبي يقول الحب باقي و لا عاب
احسه انه قادم يسبق الطير
و انه بغمضة عين بيدق للباب
ويقول اسف الغياب داخله ضير
عدى السبب أقبلت كلي بلا غياب
مليان حب وشوق ما قل هو مير
باقي و عامرقد زرع ورد و شذاب
يفوح ريحه يزكي الكون بعطير
يغطي قلبي غيم وضباب وسحاب
من يوم زرته ما طرح منه للغير
هو كل كله ممتلي فيك بإعجاب
لا تفكر إنه راح أو قل بقدير
لا و الله الا يحب يعشق بترحاب
القلب الطري
رقيا عبد العزيز العاكش
