المدح يبغا فعل واضح وملموس
مواقف ٍ تعطي القصايد جزاله
مثل فعل ناصر عياده ابا الروس
الشامخ اللي كل مجدٍ رقاله
كريم صاحب موقف وفعل مدروس
ومواقفه يشهد بها من عنا له
انا اشهد انه بالكرم يعطي دروس
يغنيك عن وقفة قبيله لحاله
يوقف معك طنخه وفزعه وناموس
صميدعٍ يفزع بجاهه وماله
مواقفه مع لابته ترفع الروس
معرّب الجدين عمه وخاله
كم من مريضٍ ضايق الصدر محسوس
يشكى الالم والله عليمٍ بحاله
وقّف معه والطيب بالشيخ مغروس
لله مايرجى وراها جماله
بيرق كرم شامخ من القوس للقوس
تبذل يمينه دون تدري شماله
عبدالعزيز بن سحل
