يوسف الخلف العتيبي. المملكة العربية البحرينية

طــاب الـمـسا بـاهـل الأدب والـفضايل

الــــي سـوالـفـهـم قـصـيـد وحـكـايـات

بـشـتى الـسـبل ولا الـطـرق والـوسايل

دامـــوا بـعـطـاياهم بــجـزل الـعـبارات

والـهـرجه الــي ابــلا حـكَـم أو مـثـايل

مــا تـنـدرج مـن بـينهم فـي الـقروبات

يــردون مــورد عــذب صـافـي الـزلايـل

ويـجـنـبون الـــي امــتـزج بـالـهـزيلات

وطــاب الـمـسا وطـبـنا بـطـيب الـفوايل

وياطيب روس أهل القصص والروايات

وأهـل الـشعر والـحس وأهـل الـجمايل

الـــي احـمـلـوا بـالـمجد والـعـز رايــات

ومــحـلا مـجـالـس كـــل ذرب بـفـعـايل

الـــــي تـنـافـسـهـم بــعــدة مــجــالات

يـتـسـابقون بـكـسـب زيــن الـخـصايل

ويـرقـون فــي أعـلى الـقمم والـعمارات

بـفـخـامة الأحـــرف رقـــوا عـالأصـايل

تـلـقـى لـهـم بـالـمجد صــرح ومـنـارات

هـــذا ولــهـم جـمـهـور بـالـخير طـايـل

يـسـعى إلــى تـرويـج أحـلآ الـدعايات

ويـبـنـي لــهـم قـصـر بـجـماله تـخـايل

قــصـر بـشـمـوخه مـعـتلي لـلـسماوات