صدى نيوز اس 1
الدكتورة لبني يونس
اعرفي كويس مفيش حاجة اسمها “كبرتي على الدلع”
ومفيش حد له حق يحط عمرك في وشك عشان يكسّر ثقتك بنفسك !
اسمعيني من فضلك …
أي حد يقولك:
“اللون ده مش لسنك”
“اللبس ده للصغيرين”
“مش لايق عليكي دلوقتي”
ده مش بينصحك…
ده بيحاول يحطك في قالب على مزاجه.
الست ملهاش تاريخ صلاحية.
والشياكة مش مرتبطة برقم في بطاقتك .
إنتِ ليكي الحق تلبسي اللي يفرحك،
تختاري الألوان اللي تبهجك،
وتهتمي بنفسك لآخر يوم في عمرك… طالما انتي محترمة وعارفة كويس قيمة نفسك
مش عشان حد،
لكن عشان نفسك تستاهل.
كبرتي؟
آه… كبرتي خبرة،
كبرتي نُضج،
كبرتي قيمة.
كبرتي علم وثقافة.
وكل سنة بتعدي عليكِ
بتزودك هيبة مش بتاخد منك جمال.
الدلع مش سن…
الدلع تقدير ذات.
اهتمي بنفسك
زي ما بتهتمي بكل اللي حواليك.
اتزيني لنفسك،
البسي اللي يليق بروحك،
وافتخري بسنك وبحشمتك.
لأنك مش مرحلة في حياة حد…
إنتِ أصل الحكاية كلها.
والملكة…
ملكة في كل عمر
وفي كل لون
وفي كل مرحلة.
ثقي في نفسك
صدي نيوز اس 6
