صدى نيوز اس 1
درس من الحياة،،،،،،،،،،،،،،
(قلب الترابيزة)
“اعتذار المتعجرف هو عبارة عن ” إهانة متغلفة بكلمتين حلوين”
في نوع كده من الإعتذار … مش بيطيب الخاطر ولا يداوي الجرح
ده بيزوده أكتر ،،،،
الاناني لما “بيعتذرلك”…
بيكون هدفه يخرج هو الصح… ويخليك إنت اللي غلط 😏
يقولك مثلا :
“أنا آسف لو إنت زعلان “
“مكانش قصدى … بس إنت عصبتنى”
“خلاص بقى… كبّر دماغك”
الكلام ده معناه ايه ؟
= أنه مش غلطان… بس يهديك بكلمتين وخلاص …
المشكلة مش في الكلمتين دول…
المشكلة في اللي وراهم :
اولا/ بيحوّل الخطأ عليكِ
بدل ما يقول “أنا غلطت”
يقولك “إنت فهمتني غلط”،
ثانيا/ يقلّل من مشاعرك
و يحسسك إن زعلك “مبالغة”
وإنك مكبر الموضوع،
ثالثا/ يخلّص الموقف بسرعة
مش علشان يرضيك … لاء ده
عشان يهرب من المواجهة،
رابعا/ يكرر نفس الغلطه تاني وتالت
لأن مفيش اعتراف حقيقي انه غلط … يبقى مفيش تغيير ومفيش اصلا مشكلة ،
—
أخطر حاجة في التعامل مع الشخص الاناني ؟
إنك مع الوقت…
تبدأ تشك في نفسك :-
“هو أنا فعلًا حساس زيادة؟!”
وهنا… بيكون كسب الجولة ونجح في انه يهز ثقتك في نفسك 💔
—
الحقيقة اللي لازم توصلك :
الاعتذار اللي بجد الاعتذار الحقيقي مش بس الكلام…
الاعتذار الحقيقي = اعتراف + تغيير + احترام
غير كده؟
يبقى اسمه “تمثيل وفيلم بيتعمل علبك ” مش أكتر
دكتورة لبني يونس
