صدى نيوز اس 1
أنك تكون حاضر بملامحك و جسمك ، وغايب بروحك.
الألم هنا مش في انك حزين،
لا الالم في ‘اللاشعور’ ؛
المنطقة الرمادية اللي لتستهلك طاقتك من غير ما تحس ومن غير واضح انت ليه عندك الشعور ده ولبه انت مش عارف تطلع منه .
أنت كل اللي بتشعر بيه انك فاقد الشغف وكانك مش عايش والحياة توقفت بالظبط كأنك ‘مختفي’ وأنت واقف ادام المراية بس مش شايف نفسك ،
قمة الارهاق النفسي لا عايز تعاتب اووتخاسب او تناقش او حتي تعرف ايه اللي حصل وحصل ليه ، مش بتدور علي مهرب من العالم ،
لاء انت بتدور علي مخرج منك إليك .
لما تلاقي نفسك بتقول الإجابة المعتاده ‘أنا بخير’ وانت جواك مس بخير ابدا ، تبتسم وكل حته بتصرخ انا كداب ان مش بخير ابدا
لما تلاقي نفسك بتبتسم وانت جواك بيصرخ
ولما تلاقي ان القرار البسيط اتحول ‘لجبل’ ،
ده لأن روحك استنفذت كل محاولاتها في الصمود والتمثيل . أنت مش بتطلب الكثير ، أنت بس عايز ‘هدنة’..🖤
تعيد فيها بناء نفسك وترتيب الفوضى اللي جواك وتعدل بوصلة حياتك و ترتيب أولوياتك
كل الحكاية مجرد وقت و”هدنة”
دكتورة لبني يونس
