بقلم الشاعره ?️

سلمى النجار

الحس المرهف

ياصاحب الاخلاص والعقل والدين

هذي خصالن مايُقَدَّر ثمنها

تدري وش اللي يسعد القلب ويزين

عقول تظهر في النوايب فطنها

وتدري وش اللي فيه للقلب تطمين

ويبعد عن النفس الحزينه حزنها

ذكر الكريم اللي يسر المحازين

ويسر نفسن نال منها شجنها

وتدري وش اللي بعدها قول آمين

دعوة عزيزة تغترف كاس منها

وتدري وش اللي ما يبا اي تحسين

روح المحب اللي تسامى حسنها

وتدري وش اللي يسحر القلب والعين

طباع تحكي حسن الافعال عنه

وتدري وش اللي له في الصدر تسكين

هوى حبيبن في ضلوعك سكنها

وتدري وش اللي فيه راحة وتمكين

وفا القلوب في فرحها او حزنها

وتدري وش اليوم الذي يحسب اسنين

يومن تعيش النفس خارج وطنها

وتدري وش اللي يجعل الناس لونين

نفاق روحن ما تناسب بدنها

وتدري وش اللي انت تحتاجه الحين

صحبة نفوسن صادقة تئتمنها

…………………………… ??