كمال فليج
الشـاعر انـــور العيـــفاوي
هبت ريح لمهحفل جبتني نسومه
جيت نشوف امالي القدر العالي
نطلب من خالقي هالفرح يدومه
فرحنا سبعة ايام وسبعة ليالي
حاضرة فيه أولافي غاليين السومة
وعليه سال حبري وجبت اقوالي
جميع الشعارة فيه حاضرة وملمومة
وانا معاهم مزهي بالي
خالوني زاهي ماعليا ملومة
مادام لي يهواهم ڨلبي ڨبالي
هوما اهل الحرف والكلمة المرڨومة
هوما اهل القلم والموالي
اشعارهم جميلة ماهي مذمومة
في الميدان صيودة مايهابو القتالي
بكلامهم المهموم نسي همومه
بكلامهم ڨداش زهو عرب ونزالي
ماعندي معاهم حتى خصومة
هوما خلان واصحاب وامالي
هوما ذخيرتي وكنزي هوما
ووقت الجد هوما عزوتي ورجالي
انور العيفاوي نظم هالملزومة
هدية لجميع من صغالي
بحر الشعر من صغري نعومه
ڨولي نجيبه مرتب وموالي
الشعر الملحون نعرف علومه
مانيش من الناس الجهالي
بالصلاة عالرسول اشعاري مختومة
صلى الله عليه سمح الخصالي
سلمي
