صدى نيوز إس 2
الشاعر علي جدايني المرزوقي
شعري انا بالخصايل طابعو
طامع ينفعني هنا ولهيك
بين شيوخ سجيت راسي رافعو
ما فيا لا تخ لا تشكيك
داخل بالتسليم صبت منابعو
مفتاح الصنعة دعيه يجيك
والشيخ بلا شيخ جنو خادعو
حرث السبخة مايجيب فريك
زرع السبخة كي تقيسو وادعو
واش بغيت الخاوية تعطيك
ذ الشعارا كلها و طبايعو
لا تهداش سفينتك تديك
هاذ اليم يقلبوه سوايعو
بعد المدح يقطعك يهجيك
لا تقرى لامان فيه منافعو
و إذا رفدكك قادر يغبيك
كاين شاعر جن حرفو طايعو
بين ربيع قصايدو يشفيك
وشاعر فالميزان تحسب صانعو
داير شيطانو معاه شريك
وشاعر بانت مالبعيد صوامعو
كي تسمع سلطانتو يحييك
وكاين من شفنا كلامو راضعو
وكي عاف حليبو رجع كالديك
وكاين شاعر عاش حاكم سابعو
يستر عيبك فالظهر يحميك
وكاين من بانو جميع مراتعو
يكرهك ويقولك نبغيك
في ظهرك يڨدي جمار لوايعو
لون يصيب يبكشك يعميك
هذي دنيا كلها وطبايعو
لا تهداش سفينتك تديك
وين الوقت الزين وين جمايعو
والغيوان وساحة المليك
طاح الشعر بقات غير مواجعو
وتلفنا مابين ذاك و ذيك
حقو يشكينا حتى نتراجعو
وترفد يدي فالسما يديك
صدى نيوز اس 1
