القلب الطري _ رقيا عبد العزيز العاكش

آه يا الطيحات ما اقوى اثرها
تجعلك في خانة اللي هو غريب

تنتظر للناس من يمسح كدرها
من هوفيهم اللي في عينك قريب

طلعوافي ساعات هم سبةضررها
كلهم و قفوا و صاروا كا الغريب

كلهم صفوا بعين في خطرها
وكلهم اهدوا النصائح كا النجيب

مادروا انهم بعيني هم صغرها
أصبحوا في عين عيني لا قريب

كل من قصر و من زود أثرها
طاح واصبح ذلك اللي هو يريب

احقره و احقره و انظرله بنظرها
واذكر افعاله بيومي ذا العصيب

في النهايه اتبعه يتبع خبرها
واجعله في عدة اللي هو جنيب

لان كلي وكل كلي من غزرها
ينزف و ينزف كما وبل صبيب

دمع دمعي دم دمي هو مطرها
سيل الوادي و ابحر بي سهيب

وها انا مازلت موجوعة بأثرها
و لا احد وقف وقال انه طبيب

كلهم صورة و صورة من صورها
جامدةصخرة وانا وسط اللهيب

سودوني احرقوني في شررها
وكانوامثل الجمرلو زاده حطيب

نارهم شبت و زادتني بحررها
انخدعت بظني فيهم ولم اصيب

كنت احسبهم سلالم في بحرها
أو مجاديفي الى بر رحيب

طلعوا قش وقش هش في بطرها
هم عشته في خيالي و المغيب

آه لو بيدي و اطعمهم دسرها
كلهم يحيون وضعي اللي عصيب

يشربون اكواس كاسي من مررها
يجرعون الموت موتي اللي مريب

ياما كاذب ياما شامخ قدحضرها
وقفل ابوابه وهو عايش يطيب

قفل و قفل حظرني وما حظرها
و اتبع الحقران شمتات ومعيب

ربي يا ربي أذقهم من اثرها
لوبصيص اللي جرى لي اونصيب

اقل شي يبرد فؤادي في سعرها
واستشف الجرح اللي بي عطيب

موقف لا يمكن انساه بصورها
من جميع الكل بعد او قريب

الا ذاك الوافي اللي هو ندرها
نخوة المسلم ووقفات الصحيب

هم جزاهم عند ربي في نهرها
كوثر و ريان و بخلد يطيب

في جنان عاليات في قررها
و في نعيم خالد و أجر كثيب