توصيات

 

هبني سما و نجوم

و هبني أنا إحساس

هبني معاك بحداك

لو رحت أنت وجيت

 

احفظني في غيبتك

جمعتك بين الناس

لاتخونني وتقول

ماكنت أو ما دريت

 

خلك أمين بالحب

لا تكون له دناس

تظهر غرامك يوم

و لبعدت له خليت

 

هذي طبوع اللي

خوان هو دساس

أو هو نكير العشرة

بالصد هيت وهيت

 

لذا احترم و احفظ

من فيك هو قد ساس

أهداك هو حبه

تحيا معاه و تبيت

 

قلبي و قلبك حب

ما له قدر و قياس

مو تجربة و شعور

لشبعت له كبيت

 

هو تضحية واخلاص

هو صدق هو إلباس

مو تسلية أو لعب

متى ما شيت هنيت

 

لذاك صون الحب

كالدر و الألماس

اقفل عليه بقفل

بالقلب لا لا تهيت

 

القلب الطري

رقيا عبد العزيز العاكش