بقلم/ دكتورة لبني يونس

في ناس بنقابلهم صدفة

بيكونوا زي اجمل نسمة بتمر في حياتنا

تحس انهم اجمل واحلي تنفس طبيعي جرعة هواء جتلنا من عند ربنا في وقت بنتمني فيه جرعة من التنفس ،

طاقة نور في ظلام حالك،

شمس بتدفي في البرد ،

نسمة صيف جميلة في الحر طبطبة علي القلب وهو بيبكي حضن ام واخت و صديقة بتقول للنفس طبطبي بايدك علي نفسك ،

قوة بتقول اوعي تقعي و حتي لو وقعتي تقومي تاني وكرري المحاولة لغاية آخر يوم في عمرك. ،

افضل ما تفضلي واقعة مستنيه اللي يسندك او يشد ايدك عشان يقومك، وبتندبي حظك ،،،،

اوجدي لنفسك فجر كل يوم جديد نور جديد يمحي ظلمة الليل ، وكانك بتقولي ابدأي بأي حاجة ولو مش قادره احمدى ربنا علي نعمة الحمد باللسان،

الناس دي كانها بتقولك خلي ايدك تمسك ايد التعبان والمسكين والضعيف ، هاتلاقي ساعدتك هناك ،

طول ما ربنا موجود متخافيش

الناس دي من غير ماتقصد ساعدت بأسلوبها وطيبة قلبها ناس كتير وعرفتهم طريق الخير وازاي يلاقوا نفسهم رغم قسوة ابظروف وصعوبة الطريق ورغم الخذلان والضيق ،

شكرا بجد،،،،،

لانسانيتكم شكرا لاسلوبكم ودفئ قلوبكم وحنيتكم

والمساعدة والطاقة الإيجابية شكرا لطاقة وجرعات الأمل اللي بتدوها للناس و شكرا لذكركم ربنا في كل موقف واعطاء الامثلة اللي بيخلينا تحت رحمته ويطبطب علي قلوبنا ،،،،

انتم وجودكم في حياتنا فعلا نعمة