بقلم الشاعره 
سلمى النجار
الحس المرهف
كنت أشوفك الأمان.
اللي ما يرضى دموعي تسبق نومي.
كنت أقول مستحيل يمرّ ليل.
وأنا بزعل منك وتنام عادي!
بس للأسف…
ليلتنا كانت غير
خذلني قلبك اللي كنت أظنه حنّان.
غفلت عيونك وعيوني تحكي وجع ما نقال.
وش كلفك لو قلت لي كلمه؟
وش خسرت لو طيّبت خاطري؟
أنا ما طلبت الدنيا…
طلبت بس لا أنام وقلبي منّك تعبان.
بس خلاص. تعلّمت!
ما عاد أعاتب كثير.
ولا أشرح الزعل.
بس قلبي أكبر من إني أظل أبرّر وجعي.
نام الزعل بيني وبينك
بس لا تخاف…
أنا بصبح بخير
وأضحك…
بس مو لأنك طيّبت خاطري.
لأن قلبي تعلّم يقوم لحاله.
……………………………. 
