بقلم دكتورة/

لبني يونس

ابعدي ،

ابعدي عن الناس اللي مش بتشوف فيكي غير عيوبك وبس وبتنتقدك طول الوقت

وخليكي مع الناس اللي بتحسي معاهم انك علي طبيعتك

واستمتعي بحياتك ،،،،

من غير ما تعتمدي علي حد

اعرفي نفسك وقدراتك ونظمي حياتك واعملي اللي نفسك فيه

وما تأجليش حاجه لبعدين،،،،

وابني حياة تسعدك حتي لو كنتي فيها لوحدك

عشان العلاقات المزيفة ما بتدومش والعلامات السامه بتجيب المرض،

ابعدي عن اللي مش عارف قيمة وجودك في حياته،

حبي اهلك وسامحيهم وما تكسريش بخاطرهم ووديهم وصلي رحمك،

والشخص الوحيد اللي ماينفعش تخسرية هو نفسك انتي اغلي شئ في الحياة ،

خدي فاصل من كل شئ واكسري النمط الروتيني ،

وخلي بالك من الضغوط النفسيه هي السبب في تغيير مزاجك و تصرفاتك

اعذري نفسك ،واجهي مشاكلك بلاش تهربي منها بالاكل والنوم ،،،

عبري عن مشاعرك أول بأول ولو مش قادرة تتكلمي اكتبي و

قولي لاء للحاجه اللي مش عايزة تعمليها

ماتخافيش تقولي رأيك احسن يزعلوا منك طالما هما مش بيخافو علي زعلك

الحياة عايزة حد قوي شجاع يواجهها

و لما الدنيا تكشفلك حد اوعي تدوري له عن اعذار ،

ولو حد اذاكي انجحي ده اكبر انتقام وخليكي فاكره أن الحاجات اللي وجعت قلبك هي نفسها الصدمات اللي بتفوقك و بتصحي عقلك ،،،