وجهة نظر خاصة لشخصي البسيط

بقلم/ الدكتورة لبني يونس

كتير اوي اللي بتعملوا في الناس ده بصراحة الموضوع زاد عن حده وطفح الكيل وكله أصبح تجارة واكل عيش وركوب الترند ،

انا عن نفسي ومن وجهة نظري الخاصة جدا

بشوف علماء الطاقة زي بتوع التاروت والفنجان والتنبؤات…الخ

 

يعني ايه هدوم في دولابك مش مترتبة يبقا حياتك هاتبقي فوضي

والبوتجاز لو جنبه حوض يبقا يوقف الرزق ويعمل مشاكل

والتلاجه في المطبخ تمنع الرزق وتعمل مشاكل زوجية

ولو عايزه رزقك يزيد اتشقلبي علي الحيط (دي من عندي )

ولو معلقه محطوطه غلط علي السفرة يبقا الحياة هاتبوظ وجوزك يا خيبة هايتجوز عليگ.

ودي اسامي طاقتها وحشه وسلبية وطاقتها سامه ابعدوا عنها ودي اسامي طاقتها حلوة قربوا منها وخدوهم اصدقاء لكم منهم و…..و….

 

كلام غير معقول و غير منطقي ولا يمت للديانات السماوية بصلة ،

بل اقرب لبيع الوهم و ترويج غير مفهوم لأفكار غريبه سوف تضح أهدافها قريبا.

ردي علي هؤلاء

اولا :-

احنا الحمدلله أصحاب اديان المسلم أو المسيحي نعلم جيدا بل نؤمن أن الرزق بيد الله وماعلينا الا السعي وعلي الله التوفيق ،

ثانيا:-

المخنؤ أو المكتئب ماعليه الا اللجؤ الي الله المسيحي بالصلوات أو الذهاب الي دور العبادة .

والمسلم بيفرد سجادة الصلاة ويصلي ركعتين لله سواء في المنزل أو الذهاب الي أحدي المساجد ،

والدعاء والتسببح والتوجه لله بقلب خالص …

ثالثا:-

تبادل الزيارات وبالأخص صلة الرحم وبر الوالدين أو اخراج صدقة أو إطعام مسكين أو السعي في قضاء حوائج الناس ,

كلها اعمال تفرج الكروبات وتزيد الرزق بأمر الله ،

رابعا :-

يا استاذة ياعالمة الطاقة ( مش عارفة عالمة دي جبتوها منين ودراستكم ايه بس مش ده موضوعنا الان )

الاسلام حثنا علي النظام و النظافة والترتيب حتي مواعيد النوم حددها لنا من أجل الصحة والرزق والبركة في البكورة ….

ارحمونا وارحموا الناس اللي نفوسهم ضعيفه واللي ثقافتهم علي ادهم

كفاية دجل وخرافات …

ولا اعلم من اين أتيتم ؟

ومن اين جأتم لنا بهذه الأفكار ؟

وايه الهدف منها ولمصلحة من ؟

 

انتشاركم والسيطرة علي عقول البسطاء وضعاف النفوس زاد وأصبح مقلق بجد ؟