الشاعر محي الدين قـــــاتر 

ماني واهم لا تمعن في قصدي

اكلامي يبري لقانط منلغدة

نتقن في لشعار ننسج ونسدي

ويعذرني من خاب في حل العقدة

وما نركب قدام لا نسرج عودي

ولفارس للحصان بلجامو يبدا

شيئء واضح ومحاين ادنيا عادي

على صحبة ياصاحبي حبي نبدا

اسمي معروف ماني بوجادي

يامن درتك صاحبي يوم شدة

كلمة صاحب لا كليمة من غادي

اصحبة ماهيش تقلاب لفردة

لموس القاطع كان تنساه يصدي

في جنبك تلقاه في يوم لهدة

مانهواش الصاعبة تقرب عندي

ولاحاسدنهواه ساجي لنفدة

مانهوى محتوم للعز كريدي

حتى لعشرن تزيان تطوال لمدة

الصادق يبقى طريف من كبدي

لي راجال هو سلاحي ونجدة

راني خايف لاغنى يحمل وادي

منو حاير وصبر زاد تحدى