الشاعرة خديجة سويفي

 حسيت روحـي كيـف الــوردة
معطرة باهيـة تكبر في سكــات
لاهـي طايلة من الفرڨـة نهدة
ولا هي شايفة في السما نجمات
حسيت روحـي كيف الوهـدة
لاجابت شعير ولا خيار ڨمحات
نطلب ربي فـي ذيك السجدة
يتقبـل منـي ويـرحـم دمعــات
دمعـة العذرى من ڨلب الثمدة
وكـي يطيح الليـل عليـها تبـات
م يجيهـا نـوم م تحـلى رڨـدة
تتفكر في أوجاع عليها هيـهـات
تتغزل في الليل وتطلب نجدة
تكـتب قصيـدة وتمحـي لِفَـاتْ
ڨـالـوا الـروح تعشـق الوحـدة
ونــا روحـي فـي جسمـي ولات
وڨالـوا المنافـق معندو عُهـدة
وشَمـس الحـق اعليـه تْمَسَـاتْ
ضَيْمي دخلاني مخبي جحدة
و جُــرح ڨـلبـي خَــلاه فْـتَـاتْ
دمـعـة عينـي لـكانت سَـوْدَة
بعـد المَـحَبـَة رجـعت ضْـوات
ورجعت روحـي نُوارها يَنْدَى
يْـفُوح عِـطرها مثـل الــوردات
ورجعت أرضي شَـاوْ المَبْدى
وْنُـوارْ ڨَـلبـي صَـايِب راحـات
ونـا روحي كي عَسٔل الشَهْدة
خديجة سويفي كَتبِت لَـبيات
من سيدي خالد هذي البَلْـدة
أهلـي وعـرشـي هيا بـ الذات