حي الصباح اللي يلم المواليف
ويجيب منه قدطرى دوم ع البال
يجيبه و تحلى معاه السواليف
يعيش جوالصبح في أسعد الحال
مع الخوي اللي بحسن التواصيف
اللي قريب بنفس طبعه والاحوال
يجيه يتفقده من ذي العواصيف
من شرها الدنيا و ما صال أو جال
يشرب معاه فنجان قهوة بتواليف
أوشاهي بالنعناع أو ماي بزلال
طلة صباح و ما معاها تكاليف
غير إنها طله بها يسعد الفال
إحساسها رايق و ما بها صواريف
غير انها في هبة الصبح لو دال
معها النسيم اللي بهبه تلاطيف
وفيهاالورود وزهرجوري مع أفلال
صبح وصباح وسعد جو ع الكيف
و كل الذي تهناه يقبل له اطلال
حلم و أمل و أشياء فيها تناصف
تقبل بلا ميعاد أو جهد أو مال
رزق من الرحمن جود بلا حيف
ورحمة اله الكون يعطي بلا اقوال
سبحانه من سبح له الكل توظيف
وصلوا على خيرالبشر حل ورحال
والخاتمةبأصبوحتي حب مو زيف
دعوة لكم بالصبح بالرزق همال
و اسعاد دائم و الأماني أعاصيف
والخير عارم و الأمل يقبل عجال
القلب الطري
رقيا عبد العزيز العاكش
