الطائف _ الشاعرة ليلى فرحان

 

قال احتراف الشعر مرفوض
يابنـت
قلت انتبه مــالك عـليـَّـا وَصِــيِّـــــه

الشعر كأسي قــد شربتـه
وأدمــنـت
واصبح فــؤادي للقوافــي ضَـحِيِّـــه

في طبعكــم يالائمــي قِـد تَمَعَّـنـــت
تلقى العـذارى موت والروح حَيِّـــــه

مادمت اقول الشعر انا فيــه دَوَّنـــت
مِن صافي الجزلات صُبـح وعَشِـيِّـــه

ومادمت انا بنت المراجل فلا خُـنــت
عِزِّي (أبوي) وفي خِــوانِي حَمِيِّـــــه

بي يفخرون وفخرهم كيفــما كُــنــت
وانت المراجـــل مِن فعـــالك بَرِيِّـــــه

ومادامنـي صَلَّيــت فــرضي وآمنـــت
إنَّـك وانا في حكـــم ربــي سَــوِيِّــــه

لا تِدّعِــي فَـضلن عَلَيَّـــا
فَـ لو هِـنــت
بنت الأصـــول الشامخـه اليَـعرُبِـيِّـــه

بيصيـر قَــدرك مايســاوي
ولا سِــنت
وبتظـل نفسي غـصب عَـنَّـك عَصِيِّــه

ليلى فرحان الحارثي