ياخالد الحرف لو فجرت ينبوعه
عجزت اوقف نزيفه داخل اضلاعي

بديت في رويته وانهيت مشروعه
ودونت في صفحته موسوعه ابداعي

ابوك الايام ما تمشي على طوعه
صلفات الاقدار قامت تلوي ذراعي

لكن يمين الرجاء ماهي بمقطوعه
نمشي على الطيب وفجوج الله وساعي

واللي يجي بالنميمه كب موضوعه
وابعد عن الكلمه اللي مالها داعي

وان جاك محتاج فزعه هد من روعه
واذا وجدت ارمله خلك لها الساعي

واحذر من اللي سلاحه يسبق دموعه
ياكل مع الذيب ويصيّح مع الراعي

عبدالعزيز بن سحل