ليه الواحد لازم ينضم لأي مجموعة او فصيل معين من الناس له فكر وله أهداف وطموحات مختلفة ، وغالبا بتكون الافكار دي عكس الفكر الجمعي للمجتمع وعكس توجه الحكومات ورؤيتها ،

ليه مانعش في سلام وأمان وخلاص من غير ما ننضم لأي جماعة او مجموعة ليها توجهات مختلفة عن الناس ، كل انسان فينا يعبد ربنا بالطريقة اللي تريحه وحسب ديانته ويحب بلده بطريقته ويغير عليها ويفديها بنفسه كمان ، من غير ما يحجر على رأي او فكر الناس التانية اللي حواليه لأن احنا عايشين في دولة ليها نظام وقوانين ،

وفرض علينا نلتزم بالنظام ده أيا كان ،،، كنت متفق أو مختلف معاه لأن اللي ماسكين النظام ووضعوا القوانين عندهم اكيد معلومات ورؤية مختلفة عنك وفي الآخر هما هايعملوا اللي عاوزينه من منطلق المعلومات والادوات المتاحة اللي عندهم

وفي الغالب بيطلعوا هما صح بعد كل اللي شوفناه في السنين اللي فاتت وتجارب لحكم فئة معينه لها توجه الدين السياسي ، و كم المعاناة اللي مرينا بيها ببسبب هذه التوجها ،

و في الآخر لا يصح الا الصحيح

هي أيام معدودة بنعيشها وربنا هو اللي هيحاسب كل واحد عن أعماله سواء كان مستقيم او فاسد ومنحرف

دكتورة لبني يونس