صدى نيوز اس 1
خوة أهل الطيب واكرام الوجيه
مالها عنا بهالدنيا غناه
وذا العقل واللب والحر النبيه
يصطحب أهل المكارم والدهاه
لاعدمنا الوافي الي نرتجيه
مسند الي ان ضاقت بوجهه نخاه
يرحّبِ بمن زاره وباللي يجيه
ويرد عاللي بالعرب صاح ونصاه
بمرحبا يحيي ويقلّط من يجيه
ويجيب دعوة من تعناه ودعاه
مايرد السايل الي من يليه
بالعطايا دوم يجزل والهباه
فضله يعم البشر والخير فيه
صحبته تسوى ملايين بفضاه
تتقي به شر منهو تتقيه
وترتكي له بين مجموع الرماه
وخوة أهل الطيب والحر الوجيه
تظلل بها وتحتمي دوم بذراه
يسبقك بالجود قبل ان تبتديه
مبتداه الجود لآخر منتهاه
والفضايل من يده منه وإليه
والمكارم والمحامد في نحاه
خوته تسوى الخلايق والنبيه
من طلب بين العرب زايد غلاه
فدوه لقلب الذي له يفتديه
حيث في وصله بهالدنيا غناه
يوسف الخلف العتيبي
