سنة جديده بس السنة دى مميزه شويه

مميزه عشان مش هتكرر تاني يمكن عشان زي ما بيقولوا عليها سن العقل و النضوج ،

مرت سنين كتير ،

سنين فيها الحلو و الوحش

طريق بتمشي فيه بس طول مانت ماشي هتقابل ناس كتير منهم

الحاقد و الحاسد و اللي بيكرهك من غير سبب بس

في كمان اللي بيحبك من غير سبب

شخص بيسندك في كل حاجه شخص وقت المشكلة تلاقيه ، ووقت الكسره تلاقيه ضهر وسند ،

شخص زي البيت اللي وقت ما بيحصلك أي اذي تجري تستخبه فيه ،

فاهمك بيسمعك بيهتم بتفاصيلك الصغيرة ،

وطول ما انت ماشي هتقابل كتير ،

وأنا مريت بحاجات كتير الحلو و الوحش ،

اصحاب غداره واصحاب مصالح،

وأهل من بره بس ،،،، و كتير من الوشوش و المسكات لحد ما وصلت احلي سنة،

سنه مميزه جدا تخرجي و عيد ميلادي

بس دي مش نهاية الطريق لسه في نجاح اكتر و اكتر و هقابل ناس، وهقابل حاجات حلوه ، وحاجات وحشه ،

بس دايما عندي ثقه في ربنا اني هنجح وهعدي من اي صعوبات تقابلني ،،،،

 

ثق بالله ثم نفسك.

بقلم /

حنين مغربي