صدى نيوز
قصيده للشاعر سميح الغنميين الملقب أبو العشاير
لاجيت افك ابواب واسكر ابواب
شاعر ولا احب العوج وانعواجه
ولاهمني كبر الاسامي والالقاب
اسمي لو لحاله يكفي يواجه
ياما غرست الجزل بعيون الاحباب
حتى غدى بيدين الاطفال عاجه
وان طاب لي شيٍ بها شي ماطاب
ولا كل شاعر. ينعدل لي مزاجه
ولاجيت ادور لي عناوين واسباب
ولاني مسوي بالعرب لي لجاجـه
و من لاحسبني كيف احسّب له حساب.
ومن باعني بعته بسومة حراجه
اهون علي اعدها عند الاجناب
ولا رفيقٍ ينعقدلي حجاجه
ياهل الادب واهل الشعر واهل الالباب
لا يختلط عذب القراح ابهماجه
.
ترى البيوت اللي بلا عمد واطناب
لو تنبني طارت مع اول عجاجه
اما قصيدٍ يرهب الساحة ارهاب
يفهم عليه اليعربي. والخواجه.
ويبقى تردده المجالس والاشناب
و يلقابه اللي ضاق صدره علاجه
وإلا زمن شاعر منافق وكذاب
وماعادلي في ساحة الشعر حاجه
بقلم الشاعر سميح الغنميين الملقب أبو العشاير
سلمي
كمال فليج
