صورة ملاك
وبحلم أكون وياكِ
تحكي ملامحك
وعيوني سمعاكِ
وأقولك مليون بحبك
من غير كلام
ونبضك يرد ويحضن نبضي
ويتسرق مننا الوقت
وتفضلي عايشه فيا طول الوقت…
ونتحدى البعاد
ونستنى من تاني الميعاد…
وسمع همسها جوايا
وكأن صوتها حضن بيضم بينسيني كل الهم
تشرب منه ويزيد جواك الإشتياق
صوت دا ولا ترياق
وليه لما بتحكي بتحس أنها سكناك
محوطك
كأنها جنيه مساك ..
يمكن عشان بعيده رسملها جواك
صورة ملاك
سعات تحكم عقلك وتقول أهجر
وبكرة تنساها وتنساك
وتروح بعيد وتنسي هم عشقها
وتبعد وبعد كل العناء
تلقيها برضو لسه جواك وكأنها جزء من نبضك
✍️عادل منصور
