انت قوية وهاتقدري

هاتقدري تعدي وتتجاوزي أي تجربة صعبة

انت بس ماتستعجليش

ما تستعجليش النسيان

خدي وقتك الشفا مش زرار واحنا مش الالات وحتي لو رجعتي تزعلي تاني ده عادي و طبيعي ….

اعرفي قيمتك من غير ماحد يثبتهالك قلبك وطيبتك وحنيتك ونيتك الحلوة مش محتاجين موافقة حد .

قيمتك مش في عين حد .

قيمتك انك تكوني مرتاحه مع نفسك

وما تعشيش مستنية الاهتمام من مخلوق اناني مايعرفش غير نفسه وبس قدميه انت لنفسك اعملي لنفسك فنجان القهوة اللي بتحبية .

اكتبي لنفسك رسالة حب ، وما تستنيش حد يشاركك و يلاحظ عشان تفرحي بحاجه

واحترمي لاء بتاعتك واتعودي

لما تقولي لاء لحاجة بتتعبك ما ترجعيش تاني فيها انتي كده بتقولي اه لنفسك ،

ودي مش انانيه

دي حماية لروحك من ناس تخصص أذية

كل حاجه مريتي بيها علمتك ما علمتش عليكي ،

كل غلطه غلطيها كانت تستاهل

كانت خطوة للوعي

ما تستهلش الندم

ثبتي رجلك في ارضك انتي مش في ارض حد تاني ماتديش لحد أكبر من حجمه عشان هايقل من مكانتك وهايقل من وضعك وكيانك ،،،،

اتعودي،

تقولي انا كده تمام

الحياه مش سباق كل حاجه بتيجي بتوقيتها ووقت ماربنا مقدرها

اسمعي صوتك مش صدي صوت حد تاني كل همه يقودك

اختاري لبسك. واستايلك وضحكت عشانك وأسلوب حياتك انتي مش عشان تعجببي حد تاني خدي حبك لنفسك كاعهد

مش خطوة مؤجلة

كل يوم حاولي تكوني جنب نفسك

طبطبي وادلعي واسمعي وافهمي وافتكري

ان مش لازم تكون كل حاجه لحد

بس لازم اكون كل حاجة لنفسي

دكتورة لبني يونس