صدى نيوز اس 1
ابسالك من مات حلمه بأياديه
والكل قفى وأقرب الناس باعه
ماحدن تفقد حالته قال وشفيه
مدفون في صمته ويشهد ضياعه
خابت به الهقوات وضاعت أمانيه
وشلون يفرد بالمحبة شراعه
حتى الحبيب اللي من الناس تغليه
تلقاك اكثر من تعاني وداعه
حتى العتب معاد لي خاطر فيه
وحتى العذر معاد لي في سماعه
متى خبرنا فاقد الشيء يعطيه
مال العذر خانه بلیا شجاعه
ترمي بك الاعذار في سكة التيه
راعي الصدق ما هو بحاجة شفاعه
المشكله ما تسلم من المشاريه
ويضيق فيك الكون رغم اتساعه
لا تشتكي للناس همك وتبديه
الله يفرجها لك بظرف ساعه
الشاعر عاشق سراب
(صالح الدوسري)
