كمال فليج
الشاعر عبد الحفيظ كسالي
نحيي لحباب من هاذ المنبر
أهل الحكمة ذوك الحرف الراقي
يالسر من فعس في ذالمجمر
ونار الكية لاهبة جرحه باقي
ذي قصة وصراتلي ڨلت نعبر
نتفڨد فيها حبابي ورفاقي
راني مثل الطير بجناح مكسر
ذا سهم صابني وسط رماقي
هاذا حكم الله و الأمر مسطر
ياشيخي ها شوفلي كانش راقي
من الغربة رآه ذالڨلب مدمر
وسط الناس الهانيا ونا شاقي
ذالڤلب عيا يواني و يصتر
و لي عندو ارفيڨ لابد يلاقي
طال عذابي شڨها ما تتصور
ومن صدمة تخلطت ڤاع وراقي
هاظ عليا طيفهم قيم امكدر
ليهم وحشة ساكنة وسط عماقي
ماحلاها ايام زينة كي تحضر
تجمعني مع حبابي وشواقي
سلمي
صدى نيوز
