عاشق سراب

مابه انسان يمدح نفسه ألا.. كذووب!!

لكن أظن طبعي هو. سبايـب شقـاى!!

طيبتي والوفا والصدق فيني عيـوب!!

في زماني تغّيـر كـل شـي” سـواى

نيتي صافيه  ماتهـز رأسـي الهبـوب

الصراحه. زهابي! ورأس مالي وفـاى

لكن أعجب لناس” تلبس ألفين ثـوب!!

دام له مصلحه عندي تـدّور رضـاى!!

لاأنتهى اللي يبي ماعاد شفته بنـوب!!

والمصيبه بعد يشتـم! ويحكـي وراى!

يحسبني غشيم ويمكن يقـول طـوب!!

مادرى اني فهيم بس أمثّـل غبـاى!!

والله اني بوصفي مثل مـا” للشـروب!

من شربني روى! ولاألتهيت  بظمـاى!

ليت به من يقدّر وعن طريقـه يتـوب

وش بيدي غير أقول اّستاهل وذا جزاى!

طبعي انـي أطفّـي مأزيـد الشبـوب!

ولا حكى جاهل” هرجه رميتـه قفـاى!

ناجح” في حياتي وماعرفـت الرسـوب

وكبوة الخيـل ماتمنـع تقـدم خطـاى

شفت عمري بعيني مثل  لحظة غروب

ذقت دايه ولكن مالقيته دواي

اعصفت بي الليالي من شمال وجنوب

للذيابه عواها وفي خفوقي عواي

ماعلي غير من ربـي بكـل الـدروب

شكوتي..والدعاء له وبه تمسّك رجـاى

لي مكانه وحشمه بفضل رب الغيـوب

مـن رجـال تقدّرنـي وهـذا عـزاى

رب يافـارج الشـده وكـل الكـروب

أنـك تثيبنـي خيـر وتجـزّل عطـاى